అల్వాల్‌లో విద్యుత్‌ భద్రతా పనులు ప్రారంభం
విద్యుత్‌ లైన్లకు సమీపంలోని చెట్ల కొమ్మల తొలగింపు
మేడ్చల్ మల్కాజ్గిరి జిల్లా సెప్టెంబర్‌ 8మన వార్త : అల్వాల్ ప్రాంతంలో విద్యుత్‌ ప్రమాదాలను నివారించడంతో పాటు ప్రజలకు నిరంతర విద్యుత్‌ సరఫరా అందించాలనే లక్ష్యంతో విద్యుత్‌ భద్రతా పనులను చేపట్టారు. తెలంగాణ రాష్ట్ర దక్షిణ విద్యుత్‌ పంపిణీ సంస్థ (TGS-PDCL) ఆధ్వర్యంలో విద్యుత్‌ లైన్లకు సమీపంలో పెరిగిన చెట్ల కొమ్మలను తొలగించి, ట్రిమ్మింగ్‌ పనులు నిర్వహించారు.
మాజీ ఎమ్మెల్యే మైనంపల్లి హనుమంతరావు ఆదేశాల మేరకు, కాంగ్రెస్ సీనియర్‌ నాయకుడు, మేడ్చల్–మల్కాజ్గిరి ఇంచార్జ్‌ తోట లక్ష్మీకాంత్‌ రెడ్డి ఆధ్వర్యంలో కాంగ్రెస్ సీనియర్‌ నాయకురాలు విజయలక్ష్మి పర్యవేక్షణలో భగత్‌సింగ్‌ యూత్‌, ఓం శ్రీ సాయి కాలనీ, ఓల్డ్ అల్వాల్ ప్రాంతాల్లో ఈ పనులు చేపట్టారు.
ఈ కార్యక్రమంలో నేమూరి శరత్‌ గౌడ్‌, వంశీ స్మరణ్‌, శివకుమార్‌, అమర్‌, ప్రభాకర్‌, అనిల్, అభిలాష్, కేతన్‌, చందు, సాయికిరణ్‌, టీసీ కిరణ్‌, సుమన్‌, మధు, శ్రవణ్‌, అనిల్, అభిలాష్ పాల్గొన్నారు.
విద్యుత్‌ లైన్లకు సమీపంలో చెట్ల కొమ్మలు పెరగడం వల్ల గాలులు, వర్షాల సమయంలో విద్యుత్‌ తీగలను తాకి షార్ట్‌ సర్క్యూట్‌, విద్యుత్‌ సరఫరా అంతరాయం, ప్రమాదాలు సంభవించే అవకాశం ఉంటుంది. ఈ నేపథ్యంలో ముందస్తు జాగ్రత్త చర్యల్లో భాగంగా ప్రమాదకరంగా ఉన్న కొమ్మలను తొలగించి, అవసరమైన చోట్ల చెట్లను ట్రిమ్మింగ్‌ చేసినట్లు నిర్వాహకులు తెలిపారు.
ప్రజల భద్రతకు ప్రాధాన్యత ఇస్తూ విద్యుత్‌ లైన్ల నిర్వహణ పనులను ఎప్పటికప్పుడు చేపట్టాల్సిన అవసరం ఉందని పేర్కొన్నారు. విద్యుత్‌ తీగలకు సమీపంలో ప్రమాదకరంగా పెరిగిన చెట్ల కొమ్మలను స్థానికులు గుర్తించినట్లయితే సంబంధిత విద్యుత్‌ శాఖ అధికారుల దృష్టికి తీసుకురావాలని సూచించారు.
విద్యుత్‌ ప్రమాదాలను ముందుగానే నివారిస్తూ ప్రజలకు ఇబ్బందులు లేకుండా నిరంతర విద్యుత్‌ సరఫరా అందించేందుకు అవసరమైన చర్యలు కొనసాగుతాయని తెలిపారు.
Telangana
అల్వాల్‌లో విద్యుత్‌ భద్రతా పనులు ప్రారంభం విద్యుత్‌ లైన్లకు సమీపంలోని చెట్ల కొమ్మల తొలగింపు
Quick Summary:
మన వార్త ప్రతినిధి : అంతోని