ఓల్డ్ అల్వాల్‌లో 176వ వారంగా మహనీయులకు జ్ఞానమాలల సమర్పణ, అంబేద్కర్ నగర్ కాలనీలో మహనీయుల ఆశయాలపై ప్రముఖుల సందేశాలు..

ఓల్డ్ అల్వాల్‌లో 176వ వారంగా మహనీయులకు జ్ఞానమాలల సమర్పణ,

అంబేద్కర్ నగర్ కాలనీలో మహనీయుల ఆశయాలపై ప్రముఖుల సందేశాలు..

మేడ్చల్ మల్కాజిగిరి జిల్లా మన వార్త :ఓల్డ్ అల్వాల్‌ లోని అంబేద్కర్ నగర్ కాలనీలో మహనీయుల విగ్రహాలకు జ్ఞానమాలలు సమర్పించే కార్యక్రమం ఆదివారం ఉదయం ఘనంగా నిర్వహించారు.గద్దర్ అభిమానుల సంఘం ఆధ్వర్యంలో వరుసగా 176వ వారంగా నిర్వహించిన ఈ కార్యక్రమంలో మహాత్మా జ్యోతిబా పూలే, డాక్టర్ బి.ఆర్. అంబేద్కర్, ప్రజా వాగ్గేయకారుడు గద్దర్ విగ్రహాలకు జ్ఞానమాలలు సమర్పించి నివాళులర్పించారు.

ఈ కార్యక్రమానికి ముఖ్య అతిథులుగా రిటైర్డ్ సబ్ ట్రెజరీ అధికారి, రంగారెడ్డి జిల్లా ట్రెజరీ కార్యాలయ డిప్యూటీ డైరెక్టర్ సి.ఎల్. యాదగిరి, సీనియర్ అడ్వకేట్ వై. బాలరాజ్ హాజరయ్యారు. ఈ సందర్భంగా వారు మహనీయుల జీవితాలు, సమాజానికి వారు అందించిన సేవలు, వారి ఆశయాల గురించి సందేశాలు అందించారు.

మహనీయుల విగ్రహాలకు జ్ఞానమాలలు సమర్పించిన పెద్దలను జి.రాజయ్య, రైల్వే బాలరాజ్ శాలువాలతో సత్కరించారు. అనంతరం చేనిగారి వెంకటేష్ మహనీయులపై పాటలు పాడి కార్యక్రమంలో పాల్గొన్న వారిని ఆకట్టుకున్నారు.

ఈ కార్యక్రమంలో సి.ఎల్. కృష్ణ, డప్పు ఆనంద్, ఢిల్లీ పరమేష్, కె. శ్రీనివాస్, చిత్తయ్య, రమేష్ ముదిరాజ్, కుర్మ ఐలయ్య, ఎల్లమయ్య, కె.పీ. చందర్, సబిత, సాయికుమార్ గౌడ్, కేంగర్ల రమేష్ తదితరులు పాల్గొన్నారు.

మహనీయుల ఆశయాలను భావితరాలకు తెలియజేయడంతో పాటు వారి సేవలను స్మరించుకునే ఉద్దేశంతో ప్రతి వారం జ్ఞానమాలల కార్యక్రమాన్ని కొనసాగిస్తున్నట్లు నిర్వాహకులు తెలిపారు.