గంజాయి సేవిస్తూ పట్టుబడ్డ ఇద్దరు యువకులు..పోలీసుల తనిఖీల్లో పాజిటివ్‌..ఇద్దరిపై కేసు నమోదు..

ఇల్లంతకుంట,అక్టోబర్‌ 15 (మన వార్త ప్రతినిధి):

ఇల్లంతకుంట మండలం వెంకట్రావుపల్లె సమీపంలోని అనంతగిరి ప్రాజెక్టు వద్ద గంజాయి సేవిస్తున్న ఇద్దరు యువకులను గురువారం పోలీసులు పట్టుకున్నారు.ఎస్సై ఉపేంద్ర చారి తెలిపిన వివరాల ప్రకారం రోజువారీ పెట్రోలింగ్‌లో భాగంగా వెళ్తున్న పోలీసులకు రోడ్డు పక్కన ఇద్దరు యువకులు అనుమానాస్పదంగా కనిపించారు.దీంతో వారిని ప్రశ్నించి గంజాయి పరీక్షలు నిర్వహించగా పాజిటివ్‌గా తేలింది.పట్టుబడిన వారు చిన్నకోడూరు మండలం కిష్టాపూర్ గ్రామానికి చెందిన పిండి అనిల్‌ (25),బండి పెళ్లి సాయి కిరణ్‌ (29)గా గుర్తించారు.ఇద్దరినీ సిరిసిల్లలోని రిహాబిటేషన్‌ సెంటర్‌కు తరలించినట్లు ఎస్సై తెలిపారు.వారిపై కేసు నమోదు చేసినట్లు రెండో ఎస్సై లక్పతి వెల్లడించారు.పెట్రోలింగ్‌లో చాకచక్యంగా వ్యవహరించి యువకులను పట్టుకున్న హెడ్‌ కానిస్టేబుళ్లు కొమురయ్య,రమణారెడ్డి,కానిస్టేబుల్‌వెల్మ శ్రీకాంత్‌రెడ్డిని రెండో ఎస్సై లక్పతి అభినందించారు.గంజాయి సేవించినా,విక్రయించినా చట్టప్రకారం కఠిన చర్యలు తీసుకుంటామని పోలీసులు హెచ్చరించారు.