మచ్చ బొల్లారంలో 38 ఏళ్ల వ్యక్తి అదృశ్యం, ఆర్థిక ఇబ్బందులు లోన్‌ యాప్‌ల రుణాల నేపథ్యంలో కుటుంబంలో ఆందోళన..

మచ్చ బొల్లారంలో 38 ఏళ్ల వ్యక్తి అదృశ్యం,
ఆర్థిక ఇబ్బందులు లోన్‌ యాప్‌ల రుణాల నేపథ్యంలో కుటుంబంలో ఆందోళన..

మేడ్చల్‌ మల్కాజ్‌గిరి జిల్లా సెప్టెంబర్ 8 మన వార్త : మచ్చ బొల్లారం పరిధిలో 38 ఏళ్ల వ్యక్తి అదృశ్యమైన ఘటన స్థానికంగా చర్చనీయాంశంగా మారింది. ఇంటి నుంచి బయటకు వెళ్లిన అనంతరం తిరిగి రాకపోవడంతో కుటుంబ సభ్యులు ఆందోళనకు గురయ్యారు. బంధువులు, స్నేహితులు, పరిచయస్తుల వద్ద ఆరా తీసినా ఆచూకీ లభించకపోవడంతో పోలీసులను ఆశ్రయించారు.కుటుంబ సభ్యుల వివరాల ప్రకారం.. గొర్రె సాయి (38) ఆగస్టు 20న సాయంత్రం సుమారు 4:40 గంటల సమయంలో ఇంటి నుంచి బయటకు వెళ్లాడు. గత కొంతకాలంగా కుటుంబ విభేదాల కారణంగా తన సోదరి టి. శ్యామల (40) వద్ద ఉంటూ, ఆమె నిర్వహిస్తున్న హోటల్‌లో పనిచేస్తున్నట్లు కుటుంబ సభ్యులు తెలిపారు.ఇటీవల సాయి తన అత్తమామల ఇంట్లో జరిగిన పూజకు వెళ్లినట్లు, అక్కడ కుటుంబ సభ్యులతో వాగ్వాదం జరగడంతో తిరిగి సోదరి ఇంటికి వచ్చినట్లు తెలిపారు. అనంతరం కొద్దిరోజులు సోదరి వద్ద ఉన్న సాయి తాను ఇంటికి వెళ్తున్నానని చెప్పి బయటకు వెళ్లిన తర్వాత తిరిగి రాలేదని కుటుంబ సభ్యులు పేర్కొన్నారు.సాయి అదృశ్యమైనప్పటి నుంచి అతని మొబైల్‌ ఫోన్‌ స్విచ్‌ ఆఫ్‌ ఉండటంతో కుటుంబ సభ్యుల్లో ఆందోళన మరింత పెరిగింది. అతని కోసం బంధువులు, స్నేహితులు, పరిచయస్తుల వద్ద గాలించినప్పటికీ ఎలాంటి సమాచారం లభించలేదని తెలిపారు.ఆర్థిక ఇబ్బందులపై కుటుంబ సభ్యుల ఆందోళన సాయికి కొంతకాలంగా ఆర్థిక ఇబ్బందులు ఉన్నట్లు, వివిధ లోన్‌ యాప్‌ల ద్వారా రుణాలు తీసుకున్నట్లు కుటుంబ సభ్యులు పోలీసులకు తెలిపినట్లు సమాచారం. ఈ నేపథ్యంలో అతని అదృశ్యానికి ఆర్థిక పరిస్థితులు ఏమైనా కారణమా అనే కోణంలో కూడా వివరాలు సేకరిస్తున్నట్లు పేర్కొన్నారు.దర్యాప్తు చేపట్టిన పోలీసులు అల్వాల్‌ ఇన్వెస్టిగేషన్‌ ఆఫీసర్‌ బట్టు లక్ష్మణ్‌ తెలిపిన వివరాల మేరకు సాయి అదృశ్యంపై ఫిర్యాదు స్వీకరించి, అతని ఆచూకీ కోసం దర్యాప్తు కొనసాగిస్తున్నారు. అతని మొబైల్‌ ఫోన్‌ వివరాలు, పరిచయస్తులు, బంధువులు, వెళ్లే అవకాశం ఉన్న ప్రాంతాలపై పోలీసులు ఆరా తీస్తున్నట్లు తెలిపారు.ఆచూకీ తెలిసిన వారు సమాచారం ఇవ్వాలి
గొర్రె సాయి, వయస్సు 38 సంవత్సరాలు. ఆయన ఆచూకీ తెలిసిన వారు, ఎక్కడైనా కనిపించినట్లయితే వెంటనే సమీప పోలీస్‌ స్టేషన్‌కు లేదా కుటుంబ సభ్యులకు సమాచారం అందించాలని కోరారు.
ఫిర్యాదుదారు టి. శ్యామల, వయస్సు 40 సంవత్సరాలు
చిరునామా:2-2-124/65, రోడ్‌ నంబర్‌ 7, శ్రీ సాయి రెడ్డి నగర్‌ కాలనీ, మచ్చ బొల్లారం, మేడ్చల్‌ 500010
సంప్రదించాల్సిన ఫోన్‌ 9059838822.