మాజీ ఎంపీపీ పాండు గౌడ్ ను పరామర్శించిన ఎఫ్ డీ సి మాజీ చైర్మన్ ప్రతాప్ రెడ్డి

సిద్దిపేట జిల్లా మర్కుక్ మండల తాజా మాజీ ఎంపీపీ తండా పాండు గౌడ్ ను పోలీసులు అక్రమంగా అరెస్టు చేసే ప్రయత్నంలో జరిగిన తొక్కిసలాటలో ఆయనకు తీవ్ర గాయాలైన విషయం తెలుసుకున్న తెలంగాణ అటవీ అభివృద్ధి సంస్థ (FDC) మాజీ చైర్మన్ వంటేరు ప్రతాప్ రెడ్డి బుధవారం ఆయనను పరామర్శించారు. పాండు గౌడ్ నివాసానికి వెళ్లిన ప్రతాప్ రెడ్డి, ఆయన ఆరోగ్య పరిస్థితిని అడిగి తెలుసుకున్నారు. మెరుగైన వైద్యం అందించాలని కుటుంబ సభ్యులకు సూచిస్తూ, అధైర్యపడవద్దని ధైర్యం చెప్పారు. పార్టీ మరియు తాము ఎల్లప్పుడూ అండగా ఉంటామని భరోసా ఇచ్చారు.ఈ సందర్భంగా మాజీ చైర్మన్ వంటేరు ప్రతాప్ రెడ్డి మీడియాతో మాట్లాడుతూ పోలీసుల వైఖరిపై తీవ్ర నిరసన వ్యక్తం చేశారు. ప్రజాప్రతినిధులుగా పనిచేసిన వారిపై కక్షసాధింపు చర్యలకు దిగడం దుర్మార్గమైన చర్య అని మండిపడ్డారు, రాజకీయ కక్షలతో ప్రజాస్వామ్యబద్ధంగా నిరసనలు తెలిపే నాయకులను అక్రమంగా అరెస్ట్ చేయడం సరికాదని హితవు పలికారు.బాధ్యులపై చర్యలు తీసుకోవాలి: మాజీ ఎంపీపీ పాండు గౌడ్ అరెస్ట్ సందర్భంగా పోలీసులు వ్యవహరించిన తీరు వల్లే తొక్కిసలాట జరిగి ఆయనకు గాయాలయ్యాయని, ఈ ఘటనకు కారణమైన బాధ్యులపై తక్షణమే చర్యలు తీసుకోవాలని డిమాండ్ చేశారు