గణేష్ ఉత్సవాల్లో నిబంధనలు పాటించాలి..మండపాల నిర్వాహకులకు డీఎస్పీ సూచన..

ఇల్లంతకుంట,సెప్టెంబర్ 09 (మన వార్త ప్రతినిధి):

గణేష్ నవరాత్రి ఉత్సవాలను భక్తిశ్రద్ధలతో,శాంతియుత వాతావరణంలో నిర్వహించుకోవాలని సిరిసిల్ల డీఎస్పీ కత్రోజు నాగేంద్రచారి సూచించారు.ఇల్లంతకుంటలోని ఓ ఫంక్షన్‌హాల్‌లో బుధవారం గణేష్ మండపాల నిర్వాహకులతో ప్రత్యేక సమావేశం నిర్వహించారు.ఈ సందర్భంగా డీఎస్పీ మాట్లాడుతూ మండపాల నిర్వాహకులు ముందస్తుగా పోలీసులకు సమాచారం ఇచ్చి,ఆన్‌లైన్‌ పోర్టల్‌లో మండపాల వివరాలను నమోదు చేసుకోవాలని సూచించారు.భద్రత,బందోబస్తు ఏర్పాటుకు ఈ వివరాలు ఉపయోగపడతాయని,ఆన్‌లైన్‌ నమోదుకు ఎలాంటి రుసుము లేదన్నారు.ప్రజా రవాణా,అత్యవసర వాహనాలకు ఇబ్బంది కలగకుండా మండపాలు ఏర్పాటు చేసుకోవాలని సూచించారు.డీజేలకు అనుమతి లేదని,పోలీసుల అనుమతితోనే సౌండ్‌ సిస్టమ్‌ వినియోగించాలని స్పష్టం చేశారు.మండపాల వద్ద నిర్వాహకులు రాత్రివేళల్లో అందుబాటులో ఉండాలని,మద్యం సేవించి అల్లర్లు సృష్టిస్తే కఠిన చర్యలు తీసుకుంటామని హెచ్చరించారు.ఏదైనా సమస్య ఉంటే వెంటనే పోలీసులకు సమాచారం అందించాలని కోరారు.ఈ కార్యక్రమంలో సిరిసిల్ల రూరల్ సీఐ నాగేశ్వరరావు,ఇల్లంతకుంట ఎస్సై ఉపేంద్రచారి,పోలీసు సిబ్బంది,మండపాల నిర్వాహకులు పాల్గొన్నారు.