విభూది లక్ష్మయ్య మృతి పట్ల తీవ్ర దిగ్భ్రాంతి

విభూది లక్ష్మయ్య మృతి పట్ల తీవ్ర దిగ్భ్రాంతి

ఓల్డ్ బోయిన్ పల్లి సెప్టెంబర్ 10మన వార్త : హస్మత్‌పేట్ కోయబస్తీ మాజీ అధ్యక్షులు విభూది లక్ష్మయ్య బ్రెయిన్ స్ట్రోక్‌తో బుధవారం రాత్రి మృతి చెందారు. ఆయన మృతి పట్ల ఓల్డ్ బోయిన్‌పల్లి మాజీ కార్పొరేటర్ ముద్దం నర్సింహ యాదవ్ తీవ్ర దిగ్భ్రాంతి వ్యక్తం చేశారు.ఈ సందర్భంగా ముద్దం నర్సింహ యాదవ్ మాట్లాడుతూ. కోయబస్తీ అభివృద్ధి కోసం, స్థానిక ప్రజల సమస్యల పరిష్కారం కోసం విభూది లక్ష్మయ్య చేసిన సేవలు చిరస్మరణీయమని పేర్కొన్నారు. ప్రజలతో మమేకమై పనిచేసిన ఆయన సేవలను ఎప్పటికీ మరువలేమన్నారు.

లక్ష్మయ్య మృతి ఆయన కుటుంబ సభ్యులకు, బంధుమిత్రులకు తీరని లోటని ఆవేదన వ్యక్తం చేశారు. ఆయన కుటుంబ సభ్యులకు ప్రగాఢ సానుభూతి తెలిపారు. మృతుని ఆత్మకు శాంతి చేకూరాలని, ఈ విషాదాన్ని భరించే మనోధైర్యాన్ని కుటుంబ సభ్యులకు భగవంతుడు ప్రసాదించాలని ప్రార్థించారు.