అల్వాల్‌లో ఘనంగా 19వ మాసం అమావాస్య అన్న ప్రసాద వితరణ..
మేడ్చల్ మల్కాజ్గిరి జిల్లా సెప్టెంబర్‌ 10 మన వార్త : అల్వాల్ ఆర్యవైశ్య మిత్ర బృందం ఆధ్వర్యంలో 19వ మాసం అమావాస్య అన్న ప్రసాద వితరణ కార్యక్రమం గురువారం ఘనంగా నిర్వహించారు. కార్యక్రమంలో ఆర్యవైశ్య సంఘం నాయకులు, ప్రముఖులు, దాతలు, ఆర్యవైశ్య సోదరులు పెద్ద సంఖ్యలో పాల్గొన్నారు.
ఈ కార్యక్రమానికి దక్షిణ భారత ఐవీఎఫ్ ఇంచార్జ్ ఉప్పల శ్రీనివాస్ గుప్తా, మేడ్చల్ మల్కాజ్గిరి జిల్లా ఆర్యవైశ్య మహాసభ అధ్యక్షుడు రమేష్, తెలంగాణ రాష్ట్ర ఆర్యవైశ్య మహాసభ రాజకీయ కమిటీ వైస్‌ చైర్మన్ తడక వెంకటేష్ గుప్తా ముఖ్య అతిథులుగా హాజరయ్యారు.
అల్వాల్ ఆర్యవైశ్య సంఘం అధ్యక్షుడు అమర శ్రీనివాస్, ప్రధాన కార్యదర్శి గోలి గోపాల్తో పాటు కార్యక్రమ నిర్వాహకులు ఐత సత్యం, తొడుపునూరి బాలేష్, అమర బాలేష్, పాలకుర్తి నరేష్, గంగ మల్లేష్ తదితరులు కార్యక్రమాన్ని సమన్వయం చేశారు.
ప్రతి నెల అమావాస్య సందర్భంగా సుమారు 500 మందికి అన్న ప్రసాద వితరణ చేపడుతున్నామని నిర్వాహకులు తెలిపారు. నిరంతరంగా కొనసాగుతున్న ఈ సేవా కార్యక్రమానికి దాతలు అందిస్తున్న సహకారం అభినందనీయమని వారు పేర్కొన్నారు.
ఈ సందర్భంగా శ్రీ వాసవి కన్యకా పరమేశ్వరి అమ్మవారి ఆశీస్సులు అన్న ప్రసాద వితరణ కార్యక్రమానికి సహకరిస్తున్న దాతలు, నిర్వాహకులు, వారి కుటుంబ సభ్యులపై ఎల్లప్పుడూ ఉండాలని నిర్వాహకులు ఆకాంక్షించారు.
సేవా కార్యక్రమాలను నిరంతరం కొనసాగిస్తూ సమాజంలో ఆధ్యాత్మికతతో పాటు సేవాభావాన్ని పెంపొందించడం అభినందనీయమని పాల్గొన్న పలువురు పేర్కొన్నారు.
Medchall -Malkajgiri district
అల్వాల్‌లో ఘనంగా 19వ మాసం అమావాస్య అన్న ప్రసాద వితరణ..
Quick Summary:
మన వార్త ప్రతినిధి : అంతోని