ఓటర్ల నమోదుకు మరో రెండు ప్రత్యేక రోజులు ..12,13 తేదీల్లో పోలింగ్‌ కేంద్రాల్లో బీఎల్‌ఓలు..

ఇల్లంతకుంట,సెప్టెంబర్‌ 11 (మన వార్త ప్రతినిధి):

18 సంవత్సరాలు నిండిన అర్హులైన యువతీ,యువకులు కొత్తగా ఓటరుగా నమోదు చేసుకునేందుకు, మృతిచెందిన ఓటర్ల పేర్లను తొలగించేందుకు ఈ నెల 12, 13 తేదీల్లో ప్రత్యేక ప్రచార దినోత్సవాలు నిర్వహించనున్నట్లు తహసీల్దార్‌ రాచకట్ల సురేష్‌ శుక్రవారం ఒక ప్రకటనలో తెలిపారు.ఈ రెండు రోజుల్లో మండలంలోని ప్రతి పోలింగ్‌ కేంద్రంలో సంబంధిత బీఎల్‌ఓలు అందుబాటులో ఉంటారని పేర్కొన్నారు.ఇటీవల 18 సంవత్సరాలు నిండిన వారు వయస్సు ధ్రువీకరణ పత్రంతో ఫారం-6 సమర్పించి కొత్తగా ఓటు నమోదు చేసుకోవచ్చని తెలిపారు.అలాగే మృతిచెందిన ఓటర్ల పేర్లను తొలగించేందుకు ఫారం-7 పూర్తి చేసి బీఎల్‌ఓలకు అందజేయాలని సూచించారు.అర్హులైన ప్రతి ఒక్కరూ ఈ అవకాశాన్ని సద్వినియోగం చేసుకోవాలని తహసీల్దార్‌ కోరారు.