*ఎంజీఎంలో మళ్లీ పెచ్చులు ఊడిపాటు పేషెంట్ల ఇబ్బందులపై వార్తలు రాయొద్దా?*

వరంగల్ జిల్లా సెప్టెంబర్ 22(మనవార్త )

ఎంజీఎం ఆసుపత్రిలో మొన్న ఆరోగ్యశ్రీ వార్డులో పెచ్చులు ఊడిపడిన ఘటన మరువకముందే మరో ఘటన చోటుచేసుకుంది. మంగళవారం ఉదయం ఆర్‌ఐసీయూ, ఫిజియోథెరపీ విభాగాల్లో పైకప్పు పెచ్చులు ఊడిపడ్డాయి. ఆ సమయంలో ఎవరూ లేకపోవడంతో పెను ప్రమాదం తప్పింది. వరుస ఘటనలతో రోగులు, బంధువుల్లో ఆందోళన వ్యక్తమవుతోంది.ఎంజీఎం ఆస్పత్రిలోకి మీడియా ప్రతినిధులను అనుమతించకుండా పోలీసులు అడ్డుకుంటున్నారు. ప్రధాన గేట్లతో పాటు ఆస్పత్రి చుట్టూ ఉన్న ఇతర గేట్ల వద్ద కూడా పోలీసులు విధులు నిర్వహిస్తూ మీడియాను లోపలికి వెళ్లకుండా అడ్డుపడటం.ప్రభుత్వ ఆస్పత్రిలో రోగులు ఎదుర్కొంటున్న సమస్యలు, మౌలిక వసతుల పరిస్థితి, వైద్య సేవలపై ప్రజల ఫిర్యాదులను మీడియా కవర్ చేయకుండా ఆంక్షలు విధించడం చర్చనీయాంశంగా మారింది.ఎంజీఎం ఆస్పత్రిలో పరిస్థితులను ప్రజలకు తెలియకుండా చేయడానికే మీడియాపై ఆంక్షలు విధిస్తున్నారా? అని పలువురు ప్రశ్నిస్తున్నారు. మీడియా ప్రవేశంపై ఉన్న ఆదేశాలు, వాటి ఆధారం ఏమిటన్నది ఆస్పత్రి అధికారులు స్పష్టం చేయాల్సిన అవసరం ఉందన్న అభిప్రాయాలు వ్యక్తమవుతున్నాయి.