గణేష్ నిమజ్జనం సందర్భంగా మద్యం దుకాణాలు, బార్లు మూసివేత..

గణేష్ నిమజ్జనం సందర్భంగా మద్యం దుకాణాలు, బార్లు మూసివేత..

మేడ్చల్ మల్కాజ్‌గిరి, సెప్టెంబర్ 22 మన వార్త : గణేష్ విగ్రహాల తుది నిమజ్జనం సందర్భంగా మల్కాజ్‌గిరి పోలీస్ కమిషనరేట్ పరిధిలో మద్యం దుకాణాలు, కల్లు దుకాణాలు, రెస్టారెంట్లకు అనుబంధంగా ఉన్న బార్లను మూసివేయాలని పోలీస్ కమిషనర్ బి. సుమతి, ఐపీఎస్ ఆదేశాలు జారీ చేశారు.

తెలంగాణ రాష్ట్ర ఎక్సైజ్ చట్టం–1968లోని సెక్షన్ 20 కింద ఈ నోటిఫికేషన్ జారీ చేశారు. సెప్టెంబర్ 25 ఉదయం 6 గంటల నుంచి సెప్టెంబర్ 26 సాయంత్రం 6 గంటల వరకు మద్యం దుకాణాలు, కల్లు దుకాణాలు, రెస్టారెంట్ బార్లు మూసి ఉంచాల్సి ఉంటుంది.

అయితే స్టార్ హోటళ్లలోని బార్లు, రిజిస్టర్డ్ క్లబ్బులకు ఈ ఆదేశాల నుంచి మినహాయింపు ఇచ్చారు. నోటిఫికేషన్‌ను ఉల్లంఘించే వారిపై చట్టపరమైన చర్యలు తీసుకోవాలని అన్ని పోలీస్ స్టేషన్ల ఎస్‌హెచ్‌ఓలను కమిషనర్ ఆదేశించారు.

గణేష్ నిమజ్జనం సందర్భంగా ప్రజా శాంతి, ప్రశాంత వాతావరణాన్ని కాపాడేందుకు ఈ నిర్ణయం తీసుకున్నట్లు పోలీస్ శాఖ వెల్లడించింది.