భర్తపై గొడ్డలితో దాడి.. మృతి, కూతురితో అసభ్యంగా ప్రవర్తించేందుకు యత్నించాడని ఆరోపణ..

భర్తపై గొడ్డలితో దాడి.. మృతి,

కూతురితో అసభ్యంగా ప్రవర్తించేందుకు యత్నించాడని ఆరోపణ..

మేడ్చల్ మల్కాజ్గిరి జిల్లా సెప్టెంబర్ 28, మన వార్త:అల్వాల్ పోలీస్ స్టేషన్ పరిధిలోని పెద్దపెద్ది పరమారెడ్డి కాలనీలో సోమవారం విషాద ఘటన చోటుచేసుకుంది. కుటుంబ కలహాల నేపథ్యంలో భర్త శ్రీనివాస్‌పై భార్య రమ గొడ్డలితో దాడి చేసిన ఘటనలో ఆయన అక్కడికక్కడే మృతి చెందినట్లు పోలీసులు తెలిపారు.

పోలీసుల ప్రాథమిక వివరాల ప్రకారం.. శ్రీనివాస్ తన కూతురితో అసభ్యంగా ప్రవర్తించేందుకు ప్రయత్నించాడని ఆరోపిస్తూ రమ అడ్డుకునే ప్రయత్నం చేసింది. ఈ క్రమంలో ఇద్దరి మధ్య వాగ్వాదం చోటుచేసుకుని, ఆగ్రహానికి గురైన రమ గొడ్డలితో శ్రీనివాస్‌పై దాడి చేసినట్లు సమాచారం.

తీవ్ర గాయాల కారణంగా శ్రీనివాస్ ఘటనాస్థలంలోనే మృతి చెందినట్లు పోలీసులు వెల్లడించారు. సమాచారం అందుకున్న అల్వాల్ పోలీసులు సంఘటనా స్థలానికి చేరుకుని వివరాలు సేకరించారు. ఘటనపై కేసు నమోదు చేసి దర్యాప్తు చేపట్టారు. హత్యకు దారితీసిన పూర్తి కారణాలు, ఘటనకు సంబంధించిన ఇతర వివరాలను పోలీసులు విచారిస్తున్నారు.