మచ్చ బొల్లారంలో రోడ్డు ఆక్రమణపై ఫిర్యాదు, మెట్లు, నిర్మాణంతో ఇబ్బందులు పరిశీలించి చర్యలు తీసుకోవాలని ప్రజావాణిలో వినతి..

మచ్చ బొల్లారంలో రోడ్డు ఆక్రమణపై ఫిర్యాదు,

మెట్లు, నిర్మాణంతో ఇబ్బందులు పరిశీలించి చర్యలు తీసుకోవాలని ప్రజావాణిలో వినతి..

మేడ్చల్ మల్కాజ్గిరి జిల్లా సెప్టెంబర్ 28, మన వార్త:అల్వాల్ ఎంఎంసీ పరిధిలోని మచ్చ బొల్లారం డివిజన్ తులసీదాస్ మఠం సమీపంలోని మచ్చ బొల్లారం రోడ్డు ప్రాంతంలో రహదారి స్థలాన్ని ఆక్రమించి మెట్లు, ఇతర నిర్మాణాలు చేపట్టినట్లు ఆరోపిస్తూ పి. జానకీరామాచారి ప్రజావాణి కార్యక్రమంలో అల్వాల్ కమిషనర్ భోగేశ్వరులకు వినతిపత్రం అందజేశారు.

తనకు సంబంధించిన స్థలంలోకి అడ్డంగా మెట్లు, ఇతర నిర్మాణాలు చేపట్టడం వల్ల ఇబ్బందులు ఎదురవుతున్నాయని జానకీరామాచారి ఫిర్యాదులో పేర్కొన్నారు. రహదారి హద్దులు, ఆస్తి హద్దులు, నిర్మాణానికి సంబంధించిన అనుమతులు, స్థల యాజమాన్య పత్రాలను అధికారులు పరిశీలించాలని కోరారు.

ఈ నేపథ్యంలో ఎంఎంసీ, టౌన్ ప్లానింగ్ అధికారులు సంఘటనా స్థలాన్ని ప్రత్యక్షంగా పరిశీలించి రహదారి, ఆస్తి హద్దులను నిర్ధారించాలని విజ్ఞప్తి చేశారు. అలాగే నిర్మాణ అనుమతులు, సంబంధిత రికార్డులను పరిశీలించి, నిబంధనలకు విరుద్ధంగా నిర్మాణం లేదా రహదారి ఆక్రమణ ఉన్నట్లు తేలితే చట్టప్రకారం చర్యలు తీసుకోవాలని కోరారు.

అదేవిధంగా సమస్యకు సంబంధించి ఇరుపక్షాల వాదనలు, సంబంధిత పత్రాలను పరిశీలించి న్యాయబద్ధంగా పరిష్కారం చూపాలని అధికారులను విజ్ఞప్తి చేసినట్లు తెలిపారు. ఫిర్యాదుపై అధికారులు చేపట్టే తదుపరి చర్యలపై స్థానికంగా ఆసక్తి నెలకొంది.