రేపు చలో ఇంద్రవెల్లి..పాంచాజన్య సంకల్ప సభ..కు తరలిరావాలని చెన్నమల్ల చైతన్య,ఓల్లాల శ్రీనివాస్ గౌడ్ పిలుపు..

ఇల్లంతకుంట, అక్టోబర్ 29 (మన వార్త ప్రతినిధి):

ఆదిలాబాద్ జిల్లా ఇంద్రవెల్లిలో రేపు (శుక్రవారం) నిర్వహించనున్న తెలంగాణ రక్షణ సేన ‘పాంచాజన్య సంకల్ప సభ’కు మానకొండూర్ నియోజకవర్గం నుంచి భారీగా తరలివచ్చి విజయవంతం చేయాలని నియోజకవర్గ ఇంచార్జి చెన్నమల్ల చైతన్య,ఇల్లంతకుంట మండల అధ్యక్షుడు ఓల్లాల శ్రీనివాస్ గౌడ్ పిలుపునిచ్చారు.తెలంగాణ అజెండా,పార్టీ భవిష్యత్తు కార్యాచరణను ప్రజల్లోకి తీసుకెళ్లేందుకు ఈ సభ కీలకమని నాయకులు పేర్కొన్నారు.మానకొండూర్ నియోజకవర్గ పరిధిలోని ప్రతి గ్రామం,వార్డు నుంచి పార్టీ ప్రజాప్రతినిధులు,ముఖ్య నాయకులు,అనుబంధ సంఘాల నాయకులు,కార్యకర్తలు పెద్ద సంఖ్యలో తరలివచ్చి సభను విజయవంతం చేయాలని కోరారు.ఈ కార్యక్రమంలో వేల్పుల సంపత్ యాదవ్,ఎర్రవెల్లి మహేందర్ పటేల్,గువ్వా అభిషేక్ ముదిరాజ్,ప్యాట వేణు కురుమ,నందెల రంజిత్ పాల్గొన్నారు.